 Då Gud heldt fest i Fjaler – Det kjende diktet til Jakob Sande rører ved hjarta til mang ein Fjalerbu. Bidraget er publisert med ropert og har blitt henta fram på Fjordaglimt (søndag 8. januar). Les mer om roperten… Norsk Barneblad. Å lære nynorsk. Historia til Norsk Barneblad. Norsk Barneblad er eitt av dei aller eldste barneblada i verda som framleis kjem ut. Det var den 26 år gamle studenten Kristen Stalleland frå Grimstad som grunnla bladet i 1887. Til det første nummeret hadde han 36 abonnentar. Han kalla bladet Sysvorti Norskt Barneblad. Sysvorti er det same som svarttrost. Etter få år vart namnet berre Norsk Barneblad, men svarttrosten er framleis maskot for bladet. Tanken med bladet var først og fremst å gje dei unge lesestoff på nynorsk. Men det var også viktig å lage eit blad der ein tok dei unge meir på alvor. Snart tok også mange barn til å skrive i bladet. Mange av dei mest kjende forfattarane og illustratørane her i landet har vore medarbeidarar. Nokre har også debutert i Norsk Barneblad som barn. Halldis Moren Vesaas skreiv i Norsk Barneblad som tiåring i 1918. Per Kleiva som i dag er representert på Nasjonalgalleriet, vann ein teiknekonkurranse i bladet som trettenåring i 1947. Det er fleire slike døme. Frå 1938 har teikneserie-figuren Smørbukk hatt fast plass på baksida av bladet. Han vart først teikna av Jens R. Nilssen. Sidan tok Solveig Muren Sanden over. I dag blir serien laga av Håkon Aasnes. Han lagar også dei to populære teikneseriane Annika og Hanna. Mange kjende forfattarar skriv for Norsk Barneblad, men bladet er også eitt av dei få der nye forfattarar, illustratørar og teikneserieskaparar kan prøve seg. Det hender dessutan at vi trykkjer opp att klassikarar, både norske og utanlandske. Elles er det aktuelle fagartiklar og reportasjar – ofte slikt ein ikkje finn så mykje av i andre blad. Dei aktive lesarane skriv sjølve ein stor del av bladet. Først og fremst skriv dei til spalta Ordskifte, der det til tider er ein heftig debatt som både gamle og unge følgjer med i. 
Hanna 
Skulen 
Smørbukk . Kva seier dei som les bladet om Norsk Barneblad? Frå NB Ordskifte. Hei! Eg har abonnert på Norsk Barneblad sidan 1. klasse, men aldri sendt inn noko til Ordskifte (men eg likar å lese det andre har skrive)! Eg går i femte klasse no. Dei fleste i klassa mi sukkar og seier at skulen er kjedeleg, men eg tykkjer den er kjempeartig, eg. Eg pratar bokmål. Men der eg bur, har vi nynorsk som skriftspråk, så eg må skrive det. Men eg synes ikkje det er så farleg, eg kan nynorsk like godt som bokmål. Og Nana, Norsk Barneblad er det beste bladet som finst!:-) Eg elskar det!! Eg likar også eit blad som heiter Illustrert Vitenskap. Eg synest det er spennande å lese om solsystemet og andre fakta-ting. Er det andre her som likar å lese om fakta? Eg likar eigentleg å lese alle slags bøker og blader. Nokon andre som likar å lese? Nokre gonger kan eg sitje heile dagen og lese. Men da blir eg litt svimmel etterpå. Ja, det trur eg var alt. Men de likar vel lange innlegg? Helsing frøken Skrivekløe Ane Lorentzen Hei! Nana; eg har skrive inn til ordskifte, men eg trur ikkje det har kome med, enda. Så viss det ikkje kjem med, så skriv eg i hvert fall at eg er ny her. I går gjekk eg Halloween med tre andre vennar, og det var supert! Vi fekk til saman 3,200kg godteri og frukt. Hjå ein gamal mann fekk vi ein heil pose peanøtter. Er det nokon andre som plar gå Halloween, her? Mimmi; eg og elskar Harry Potter. J. K. Rowling skriv superbra! Eg har lese alle bøkene + Skalden Skurres historier. Kor mange har du lese? Ja, det trur eg var nok for i dag. , LeseHesten Nb er gøy, har noen nummre fra 2001 og liker fortsatt å lese det selv om jeg er 14 år. Mest av alt liker jeg ordskifte, og i bladet stod det at det også fantes ordskifte på nettet, så jeg stakk innpå nettet for å lese. Men her var det lite aktivitet folkns! Skjerpings, ellers gidder jeg ikke å skrive mer her. Har også lest HP, gøye bøker men har lest bedre. Gå inn på ordskifte om bøker, så kan vi heller snakke om det det. //LeseHesten . ponta delgada heii igjen hilsen ponta delgada:-P . Gunn Karin Hei! Nana redaktør Gode Gunn Karin! . Maria Sørskår Hei Norsk Barneblad EG ELSKER NORSK BARNEBLAD! eg lurte på om de i norks barne blad kunne hatt litt oftare lensmann snufs i blada dykkars? det er kjempe kjekt å lesa Norsk Barne blad og det er INGENTING negativt å sei om det! Nana Du er ein kjempe redaktør !!!!!!!! ¤ ¤ ¤ Dette var reklamen. 8.01.2012 
Vist 163 gonger. Følgt av 4 personar. 
Annonse 
0
0
Pågår for tida Kulturscene Fjaler. Kvar laurdag kl 12.00 fram til 27/10, Dale. Kulturscene Fjaler. Fjaler Kino i Dale. fram til 30/12, Dale. Trudvang.
| |||||||||||||||||||||||||||||
Kommentarar
Norsk Barneblad var eit godt blad på mange måtar!
Vi hadde det i heimen i fleire år; frå slutten av 1960-talet til godt ut på 1970-talet.
Eg trur ikkje at eg tok skade av det.
Norsk barneblad og julehefta Smørbukk og Tuss og Troll har utan tvil prega min oppvekst. Det er blad som eg har hatt mykje glede av og som har vore lest fleire gonger. At blada er på nynorsk har vore med på å forme mitt språkleg medvit.
Framleis held desse blada stand og det er imponerande og flott.
Noko av grunnen til det at er at desse blada framleis fins er at dei har klart å utvikle seg i takt med tida samstundes som det har klart å halde oppe kvalitet.
Vi treng definitivt slike blad som som kan vere gode språklege førebilete for folk.
Fleire burde lese Norsk Barneblad. Eg hugsar – for lenge sidan då eg var 10 år- at læraren sa til oss jamgamle at no burde vi spørje foreldra om å få tinge Norsk Barneblad. Det var stas då bladet kom, m.a. korleis går det vidare i framhaldsforteljinga. Vi fekk og med oss dei viktigaste sprortshendingane sidan sist – flotte bilete av skihopparar i svev og langrennsløparar som hasta gjennom skiløypa i skogen.
I skuleboksamlinga var det innbundne tidlegare årgangar av Norsk Barneblad, og det var lesekø på desse. Dessutan gav Norsk Barneblad forlag ut spanande nynorske bøker. Vi hadde ikkje fjernsyn, og i fritida las vi mange bøker. Eg trur at dette var til stor hjelp for språkkjensla vår.
Norsk Barneblad er framleis viktig, og eg har gjeve det i gåve til barnebarn. Akkurat no er dei komne til vidaregåande skule, men eg ventar på at Isak (5år) skal kome i “Norsk Barneblad-alder”. Eg vil oppmode om å gje Norsk Barneblad i gåve til barnebarn. Det er viktig at barn opplever gjennom lesing og ikkje berre gjennom å sjå på fjernsyn.
Aud Lunde