Det var Dalsfjorden Spelemannslag som arrangerte fest i Flekke torsdag 29. desember. Der var fleire danseorkester så vi fekk variert dansemusikk. Først spelte spelemannslaget. Seinare kom ei ny pop-gruppe: Ramskogås.
Trekkspelkameratane var også på scena med danselåtar. Dei er Ole Håland, Svein Brattelid, Harry Standal og Andreas Ramstad.

Men dei hadde laga konsert-program også:
Vi fekk høyre Tone Strand Løseth, Bjarte Berge og Knut Skoghei med hardingfeler. Dei framførde Huldra i Grovanipa, halling etter Katrina Kjøsnes.
Oddvar Vassliås var der med tre songar. Han har sine lokale tonar og strofer som nok får dei fleste til å dra på smilebandet.

Ole Martin Snekkvåg-trekkspel, Bjarte Berge-hardingfele og Knut Soghei-gitar spelte Hestekaren, ein reinlender etter Askerladden.
Bjarte Berge på hardingfele og Knut Skoghei på gitar framførde Mester Hanevold, galopp etter Askerladden
Så kom Ragnfrid Åsnes og Knut Skoghei med tyskfeler og Atle Åsnes med gitar: Dei spelte Irsk vals, etter Dalakopa.

Dalsfjorden Spelemannslag på scena i Flekke.

Andreas Ramstad var kåsør. Han fortalde frå mangt han kunne hugse om Flekke, Vonheim, ungdomslaget og flekkingane. Ja, han tok med slikt som mor, bestefar og oldefar frå Eikelida hadde fortalt. Med utviklinga på Haugland og Magne Bjergene vart det eit heilt lokalhistorisk oversyn.

Spelemannslaget hadde meir enn musikk. Du kunne få kjøpe kaker og kaffi og julebrød med brunost. Linda Strand og Esther Alisøy stod for matsalet.
Peter Kåre Igelkjøn var programleiar og Åge Løseth selde billettar.

Dette gjekk bra og folk fekk danse og bevege seg. Så dette er eit retteleg godt tiltak og tilbod i romjula.

.

Desse musikarane i Dalsfjorden Spelemannslag var med i Flekke:
På hardingfele: Tone Strand Løseth, Bjarte Berge, Rune Berge, Helga Åsnes, Aud Igelkjøn, Ragnfrid Åsnes, Johan løseth, Oddvar Vassliås, Terje Furenes, Peter Kåre Igelkjøn og Knut Skoghei.
På trekkspel: Svein Brattelid, Harry Standal, Andreas Ramstad.
Bass: Hallvard Arstein.
Gitar: Atle Åsnes

30.12.2011
Asbjørn Eikerol

Litt frå andre:

.

.
frameborder=“0” allowfullscreen="">
.

.

.

.

.